माननीय सुप्रीम कोर्ट के फैसला ले न्याय के जीत, छत्तीसगढ़ियावाद के संघर्ष ल मिलिस नई ताकत
जोहार छत्तीसगढ़ पार्टी एवं छत्तीसगढ़िया क्रान्ति सेना, जिला कोरबा
माननीय सुप्रीम कोर्ट के फैसला ले न्याय के जीत, छत्तीसगढ़ियावाद के संघर्ष ल मिलिस नई ताकत 
कोरबा। आज छत्तीसगढ़ प्रदेश अउ प्रदेशवासी मन बर बड़े हर्ष अउ गौरव के दिन आय। विगत 7-8 महीना ले जेल म बंद छत्तीसगढ़िया आंदोलन के प्रमुख अगुवा सम्मानीय अमित बघेल जी, डॉ. अजय यादव जी अउ दिनेश वर्मा जी ल माननीय सुप्रीम कोर्ट ह जमानत/रिहाई के आदेश जारी करे हे। ए फैसला ले छत्तीसगढ़िया अस्मिता, न्याय अउ लोकतांत्रिक अधिकार बर लड़ई लड़त लाखों छत्तीसगढ़िया मन के मन म नई आस अउ भरोसा जागे हे।
एतिहासिक फैसला के स्वागत म आज जोहार छत्तीसगढ़ पार्टी अउ छत्तीसगढ़िया क्रान्ति सेना, जिला कोरबा के पदाधिकारी अउ सेनानी मन एकजुट होके फटाका फोड़िन, मिठाई बांटिन अउ एक-दूसर ल बधाई देके अपन खुशी जाहिर करिन। उपस्थित सेनानी मन कहिन कि न्याय देर ले मिलिस, फेर आखिरकार सत्य अउ न्याय के जीत होइस। ए फैसला छत्तीसगढ़िया स्वाभिमान के लड़ई ल अउ मजबूत करे हे।
पदाधिकारी मन कहिन कि छत्तीसगढ़ महतारी, छत्तीसगढ़िया भाषा, संस्कृति, जल-जंगल-जमीन अउ प्रदेश के हक-अधिकार बर हमर लोकतांत्रिक संघर्ष निरंतर जारी रही। छत्तीसगढ़ के अस्मिता अउ छत्तीसगढ़िया समाज के सम्मान बर जोहार छत्तीसगढ़ पार्टी अउ छत्तीसगढ़िया क्रान्ति सेना पहिली जइसने आगे घलो मजबूती ले लड़ई लड़त रही अउ छत्तीसगढ़ म छत्तीसगढ़ियावादी विचारधारा के सरकार बनाय बर जनजागरण अभियान ल अउ तेज करे जाही।
ए अवसर म जोहार छत्तीसगढ़ पार्टी के प्रदेश संगठन मंत्री सुरेन्द्र राठौर, जिलाध्यक्ष जैनेन्द्र कुर्रे, जिला मंत्री लाला साहू, महिला जिलाध्यक्ष चंचल महंत, अनिशा महंत, छत्तीसगढ़िया क्रान्ति सेना के जिलाध्यक्ष सुरजीत सोनी, महामंत्री राकेश सूर्यवंशी, संगठन मंत्री ओम केंवट, दीपका संयोजक अवध मरावी, हरदीबाजार संयोजक लाला महंत, अनूप दास, सूर्या, रमेश बरेठ, रामेश्वर कंवर सहित बड़ी संख्या म पदाधिकारी अउ सेनानी मन उपस्थित रहिन।
जारीकर्ता :
जोहार छत्तीसगढ़ पार्टी,
जिला कोरबा
मो:- 8319152914
